კოლპოსკოპიის გაღრმავებული კურსი

“ეროვნული სკრინინგ ცენტრის” 10 წლის იუბილესთან დაკავშირებით, 2018 წლის 19 და 20 მაისს ქ. თბილისში “ეროვნული სკრინინგ ცენტრი“, „ევროპის კოლპოსკოპიის ფედერაცია“-EFC და „საქართველოს საშვილოსნოს ყელის პათოლოგიის და კოლპოსკოპიის საზოგადოება“ ატარებს ტრენინგს - „კოლპოსკოპიის გაღრმავებული კურსი“ (Advance Colposcopy Course).

ტრენინგი განკუთვნილია მეან-გინეკოლოგებისათვის, რეპროდუქტოლოგებისათვის და ონკო-გინეკოლოგებისთვის, რომლებიც ფლობენ კოლპოსკოპიური კვლევის საფუძვლებს და აქვთ პრაქტიკული გამოცდილება. განსაკუთრებულად მნიშვნელოვანია სკრინინგულ პროგრამაში მომუშავე ექიმების მონაწილეობა.

კურსის მიზანია საშვილოსნოს ყელის კიბოს სკრინინგის, დიაგნოსტიკის და მკურნალობის უახლესი მიდგომების და ტენდენციების განხილვა, კოლპოსკოპიური კვლევის თანამედროვე ტექნოლოგიებზე ინფორმაციის მიწოდება, ხარისხის კონტროლის უზრუნველყოფის საკითხების განხილვა და სხვადასხვა კლინიკური შემთხვევების გარჩევა. კურსი ძირითადად მიეძღვნება ქართველი ექიმებისათვის ამ მიმართულებით თანამედროვე ევროპული სტანდარტების გაზიარებას, რაც თავისთავად ხელს შეუწყობს მათი პროფესიული ცოდნის ამაღლებას.

„კოლპოსკოპიის გარღმავებული კურსის“ ჩასატარებლად მოწვეულნი არიან EFC-ის ექსპერტები და ტრენერები: პეკკა ნიემინენი ფინეთიდან (Pekka Nieminen - EFC President -Elect), ოლაფ რეიჩი (Olaf Reich) ავსტრიიდან, ჯენიფერ ბაირომი (Jennifer Byrom) ინგლისიდან, ირინა ერმაკოვა (Irina Jermakova) ლატვიიდან.

კურსი ტარდება ინგლისურ და ქართულ ენებზე (უზრუნველყოფილია სინქრონული თარგმნა)

კურსის ფასი:

250 ლარი - 01.05.2018-მდე

300 ლარი - 02.05.2018-დან - 15.05.2018-მდე

კურსის ჩატარების მისამართი:

ჯანდაცვის სამინისტროს სასწავლო-სატრენინგო ცენტრი, დ. აღმაშენებლის მე-12 კილომეტრი.

საკონტაქტო პირი: თამარ სხირტლაძე ტელ.: 591194402 ელექტრონული ფოსტა: tamar.nsc@gmail.com

ტრეინინგზე რეგისტრაცია » პროგრამა »